14.10.08

ಕಡತದೊಳಗಿನ ಕನಸು

ಈ ದೇಶ ಎಷ್ಟೊಂದು
ಅದೃಷ್ಟಶಾಲಿ!
ತಮ್ಮ ಭವ್ಯಭವಿತವ್ಯಕ್ಕೆ
ಗರಿಗರಿ ನೋಟು ಕಾಪಿಡುವವರು
ಅವರ ನಾಳೆಗಳಿಗೆ
ತೊಂದರೆಯಾಗದಂತೆ
ಗಡಿಯಲ್ಲಿ ನುಸುಳುವವರನ್ನು
ಹೊಡೆದುರುಳಿಸಲು
ಕಣ್ಗಾಹಿ ಯೋಧರು
ಬೋಲೋ ಮೇರೆ ಸಂಗ್.. ಜೈಹಿಂದ್

ಈ ದೇಶದ ಬಡವರು
ಅದೆಷ್ಟು ಪುಣ್ಯವಂತರು
ಅವರಿಗಾಗಿ
ನೂರೆಂಟು ಯೋಜನೆಗಳು
ಯೋಚನೆಗಳು
ಬುಲೆಟ್‌ಪ್ರೂಫ್ ಕಾರಿನಲ್ಲಿ
ಓಡಾಡುವರ
ಕಡತಗಳಲ್ಲಿ
ಬೆಚ್ಚಗೆ ಮಲಗಿವೆ
ದೇಶದ ಕನಸುಗಳು
ಬೋಲೋ ಮೇರೇ ಸಂಗ್ ಜೈಹಿಂದ್

ಬಲು ಭಾಗ್ಯವಂತರು
ಈ ಮಹಾನ್ ದೇಶದ
ಪುಟ್ಟ ಕಂದಮ್ಮಗಳು
ಬೆನ್ನ ಚೀಲದಲ್ಲಿ
ಹೊಸಜಗತ್ತು
ನಿರ್ಮಾಣದ ಹೊರೆ
ಹೊತ್ತ ವಿಶ್ವಮಾನವರು
ಬೋಲೋ ಮೇರೇ ಸಂಗ್ ಜೈ ಹಿಂದ್

8 comments:

KRISHNA said...

ದೇಶಪ್ರೇಮ ಜೋಕ್ ಆಗಿ ಬಿಟ್ಟಿದೆ ಅನಿಸ್ತದೆ... ಗಾಂಧಿ ಜಯಂತಿಯಂದು ಟೋಪಿ ಹಾಕಿ ಪೋಸ್ ಕೊಡೋ ಥರ! ಸಿಂಬಾಲಿಕ್ ಆಗಿರೋದೇ ಮಹಾನ್ ದೇಶಪ್ರೇಮ ಅನ್ನೋ ಥರ... ಉಗ್ರರು ಕಾಲಡಿಗೆ ಬಂದರೂ ನಮ್ಮ ಬಡಬಡಿಕೆ ಮಾತ್ರ ಹಾಗೇ ಮುಂದುವರಿದಿದೆ

ತೇಜಸ್ವಿನಿ ಹೆಗಡೆ- said...

ಕವನ ಚೆನ್ನಾಗಿದೆ. ಮತ್ತೆ Photoshoping ನಿಮ್ದಾ? :)

ಮಾಂಬಾಡಿ said...

ಜೈ ಹಿಂದ್!!!!

Harish kera said...

witty.

VENU VINOD said...

ಕೃಷ್ಣ
'ಉಗ್ರರು ಕಾಲಡಿಗೆ ಬಂದರೂ ನಮ್ಮ ಬಡಬಡಿಕೆ ಮಾತ್ರ ಹಾಗೇ ಮುಂದುವರಿದಿದೆ' ಈಧೂ ಎಲ್ಲಿವರೆಗೆ ಮುಂದುವರಿಯಬೇಕೋ!

ತೇಜಸ್ವಿನಿ,
ಧನ್ಯವಾದ...ಫೋಟೋಶಾಪಿಂಗ್ ನಂದು :)

ಮಾಂಬಾಡಿ, :)

ಕೇರ, ಯೆಸ್ :)

shivu K said...

ಕವನ ಸೊಗಸಾಗಿದೆ. ಸದ್ಯದ ಪರಿಸ್ಥಿತಿಗೆ ತಕ್ಕಂತೆ ಇದೆ. ಫೋಟೋ ಕೂಡ ಚೆನ್ನಾಗಿದೆ.

Chamaraj Savadi said...

ಕವನ ಚೆನ್ನಾಗಿದೆ ವೇಣು.

ವ್ಯಂಗ್ಯದ ಜೊತೆ ವಾಸ್ತವ, ವಾಸ್ತವದ ಜೊತೆ ವಿಷಾದ, ವಿಷಾದದ ಜೊತೆ ಹೊಸ ಕನಸು, ಅದು ನನಸಾದೀತೆ ಎಂಬ ಅಳುಕು- ಎಲ್ಲವೂ ಚೆನ್ನಾಗಿ ಮೂಡಿಬಂದಿವೆ.

- ಚಾಮರಾಜ ಸವಡಿ

ಮುತ್ತುಮಣಿ said...

ನಮಸ್ತೆ ವಿನೋದ್ ಅವರಿಗೆ. :)
ಮಾರ್ಮಿಕವಾಗಿದೆ ಬರಹ.

Related Posts Plugin for WordPress, Blogger...