23.12.11

ಡಿಸೆಂಬರ‍್ ಪಲುಕುಗಳು

ಮೈಕೊಯ್ಯುತ್ತಿರುವ
ಮಾಗಿಯ ಚಳಿಯನ್ನು
ಮುದುರಿ ಮಲಗಿದ
ನಾಯಿಮರಿಯೂ ಆನಂದಿಸುತ್ತಿದ್ದರೆ
ನಾನು ಮಾತ್ರ ನಾಳೆಯ
ಭಯದಿಂದ
ಕಂಪಿಸುತ್ತಿದ್ದೇನೆ!
-------------------
ತನ್ನ ಗೂಡಿನ ಸುತ್ತ
ಹಸಿರಾಗಿದ್ದ ಎಲೆಗಳೂ
ಒಣಗಿ ಉರುಳಿ
ಹೋದಾಗ ಗಾಬರಿಗೊಳ್ಳದ
ಹಕ್ಕಿ ಹೊಸ ಚಿಗುರಿಗಾಗಿ
ಹಾತೊರೆಯಿತು
-----------------
ಬದುಕು ಸುಂದರವಾಗಿ
ಕಳೆದು ತೊಟ್ಟು ಕಳಚಿಬಿದ್ದ
ಹಣ್ಣೆಲೆಗೆ
ಇಬ್ಬನಿ ಸಾಂತ್ವನ ಹೇಳಿತು!
-------------------
ಚಳಿ ನನ್ನನ್ನು
ಇರಿಯಲು ಸಾಧ್ಯವಿಲ್ಲ
ಯಾಕೆಂದರೆ ನನ್ನ
ಸುತ್ತ ನೋವಿನ ಮುಳ್ಳುಗಳೆದ್ದಿವೆ!
-------------------
ಈ ಚಳಿಯಲ್ಲೆ ತಾನೇ
ನಮ್ಮ ಹೃದಯಗಳು ಹತ್ತಿರವಾಗಿದ್ದು
ತಮ್ಮಷ್ಟಕ್ಕೇ ಮಾತಾಡಿಕೊಂಡಿದ್ದು!
-------------------
ಇಬ್ಬನಿಯಲ್ಲಿ ಮುಳುಗೆದ್ದ
ಗುಲಾಬಿ
ಎಳೆಬಿಸಿಲಲ್ಲಿ
ಮೈಒಣಗಿಸಿಕೊಳ್ಳುತ್ತಾ
ನಸುನಾಚಿತು...

4 comments:

ದಿನಕರ ಮೊಗೇರ said...

ellaa hanigaLu chennaagive sir........

sunaath said...

Beautiful! Very beautiful!

ಭಾಶೇ said...

Nice ones...

ರಾಧಿಕಾ ವಿಟ್ಲ said...

ಬದುಕು ಸುಂದರವಾಗಿ
ಕಳೆದು ತೊಟ್ಟು ಕಳಚಿಬಿದ್ದ
ಹಣ್ಣೆಲೆಗೆ
ಇಬ್ಬನಿ ಸಾಂತ್ವನ ಹೇಳಿತು!
Wow...sundara saalugalu :)

Related Posts Plugin for WordPress, Blogger...