16.2.12

ಮೂರು ಮಾತು

ಚಳಿಯ ರಾತ್ರಿ
ಭಗ್ಗನೆ ಉರಿಯುವ
ಅಗ್ಗಿಷ್ಟಿಕೆಯ ಸಾಕ್ಷಿಯಲ್ಲಿ
ನಾನಿಲ್ಲಿ ಅವಳು ಅಷ್ಟು ದೂರದಲ್ಲಿ..
ಎದೆ ಢವಗುಡುತ್ತದೆ,
ಮನಸು ಭಾರವಾಗುತ್ತದೆ
ಕಣ್ಣುಗಳು ಅಡಗುದಾಣ ಹುಡುಕುತ್ತವೆ
ಮೌನ ಕತ್ತು ಹಿಚುಕಿ
ಕೊಲೆ ಮಾಡಿಬಿಡುತ್ತದೆ ಮಾತನ್ನು!
-----------------------------
ಕಣ್ಣು ಕತ್ತಲಾಗಿ
ಮತ್ತಿನ ಜೇಲಿನಲ್ಲಿ
ಹುದುಗಿಹೋಗಿದ್ದಾಗ
ನಿನ್ನ ಪಿಸುಮಾತು
ಮಾರ್ದನಿಸಿತು
ಎದೆಯ ಪಡುಕೋಣೆಯಲ್ಲಿ
-----------------------------
ಮಾತುಗಳಿಗೇನು
ಹೃದಯದ ಕಣ್ಣಿಗೆ
ತಣ್ಣೀರೆರಚಿ
ತಮ್ಮಲ್ಲೇ ಮಂಟಪಕಟ್ಟಿ
ಹುಸಿ ಕನಸುಗಳ ಬೀಜ ಬಿತ್ತಿ
ಮರೆಯಾಗಿಬಿಡುತ್ತವೆ
ಮನಸು ಮಾತ್ರ
ಮಾತಿನ ಅರ್ಥದ ಆಳಕ್ಕಿಳಿಯದೆ
ಒದ್ದಾಡಿ ಪ್ರಾಣ ಬಿಡುತ್ತವೆ!

6 comments:

Gold13 said...

ಮನಸು ಮಾತ್ರ
ಮಾತಿನ ಅರ್ಥದ ಆಳಕ್ಕಿಳಿಯದೆ
ಒದ್ದಾಡಿ ಪ್ರಾಣ ಬಿಡುತ್ತವೆ!
ಹೌದು ಮಾತಿಗೇನು ಕಿಚ್ಚು ಹಚ್ಚಿ ಮಾಯವಾಗುತ್ತೆ
ಒದ್ದಾಡೋದು ಮನಸೇ
ಚೆನ್ನಾಗಿದೆ
ಸ್ವರ್ಣಾ

Imthiyaz Perla said...

goog one

Anonymous said...

good one

Subrahmanya said...

ನವಿರಾದ ಸಾಲುಗಳು.

Shyama Soorya said...

super ones..!!

Shyama Soorya said...

Super one..

Related Posts Plugin for WordPress, Blogger...