9.2.13

ಅಕ್ಕಿ ಇದ್ದರೆ ಕೊಡಿ!

ಬ್ರೆಡ್ ಜಾಮ್ ತಿಂದೂ..
ತಿಂದು
ಸಾಕೆನಿಸಿದೆ,
ಪಿಜ್ಜಾ, ಹಾಟ್ ಡಾಗ್
ಅರಗಿಸಿಕೊಳ್ಳುತ್ತಿಲ್ಲ
ಇದ್ದರೆ ಕೊಡಿ
ಅಕ್ಕಿ
ಒಂದು ಹಿಡಿ

ಬದಲಿಗೆ ನಿಮಗೇನು ಬೇಕು?
ಕಂತೆ ನೋಟು ಕೊಟ್ಟೇವು,
ಕಂಪ್ಯೂಟರ್ ಬೇಕಾದರೆ ಹೇಳಿ,
ಸಾಫ್ಟ್ ವೇರ್ ಹಾರ್ಡ್ ವೇರ್ ಇದೆ ನಮ್ಮಲ್ಲಿ
ರಂಜನೆಯ ಬ್ರೇಕಿಂಗ್ ನ್ಯೂಸಿದೆ
ನಮಗೆ ಅಕ್ಕಿ ಮಾತ್ರ ಬೇಕೇಬೇಕು!

ನಮ್ಮೂರಲ್ಲಿ ಗದ್ದೆ ಇಲ್ಲ,
ಇದ್ದರೆ ಬೆಳೆಯುತ್ತಿದ್ದೆವು
ಖಾಲಿ ಜಾಗ ಹುಡುಕಾಡಿ
ಬಂದಿದ್ದೇವೆ, ಅರಣ್ಯಗಳಿಲ್ಲದೆ
ಬರೀ ಜನಾರಣ್ಯಗಳೇ ಇಲ್ಲಿ.
ಹತ್ತಿರವೇಕೆ ದೂರದೂರಕ್ಕೂ
ನಾವು ಅಭಿವೃದ್ಧಿ ಹೊಂದಿದ್ದಾಗಿದೆ
ನಮ್ಮ ದೇಶವೀಗ ಅಗ್ರಪಂಕ್ತಿಗೇರಿದೆ
ನಮ್ಮಲ್ಲಿರುವ ಯುದ್ಧವಿಮಾನಗಳು
ನೆರೆಯಲ್ಲೆಲ್ಲೂ ಇಲ್ಲ.
ತಿನ್ನುವುದಕ್ಕೆ ಅಕ್ಕಿ ಮಾತ್ರ ಇಲ್ಲ

ಗದ್ದೆ ಇರುವ ಊರು ಹುಡುಕುತ್ತಾ
ಇಲ್ಲಿಗೆ ಬಂದಿದ್ದೇವೆ.
ಇದ್ದರೆ ಅಕ್ಕಿ ಕೊಡಿ.


(ಅಭಿವೃದ್ಧಿಯ ಭ್ರಮೆಯಲ್ಲಿರುವ ನಮಗೆ ಇಂತಹ ಪರಿಸ್ಥಿತಿ ಬಾರದಿರಲಿ)

1 comment:

ದೀಪಸ್ಮಿತಾ said...

ನಿಮ್ಮ ಕಳಕಳಿ ಅರ್ಥವಾಗುತ್ತದೆ

Related Posts Plugin for WordPress, Blogger...