ಗುಲಾಬಿ ನೆನಪುಗಳು

ನಿನ್ನೆ ಸುರಿದ ಮಳೆಗೆ

ಭೋರ್ಗರೆದಿದೆ ನದಿ
ತೊಟ್ಟಿಕ್ಕಿದೆ ಜಲ, ಮರದ

ಎಲೆಗಳಲ್ಲಿ....

.......ಅವಳ ಕಣ್ಣಲ್ಲಿ ಮಾತ್ರ ಪಸೆಯಿಲ್ಲ

*******

ದೂರದಲ್ಲೆಲ್ಲೋ ರೈತ ಮಾರಾಟಕ್ಕೆ

ಬೆಳೆದು ಇಂದು ಮಾರುಕಟ್ಟೆ

ಸೇರಿದ ಗುಲಾಬಿಗೂ

ಚೆಲುವೆಯ ಮುಡಿಯೇರುವ ನೆನಪಿಂದ

ರೋಮಾನ್ಸಿನ ಅಮಲು!

********
ರಾತ್ರಿಯಿಡೀ ಆಗಸದಲ್ಲಿ ಕಣ್ಣು

ನೆಟ್ಟಾಗ ಸಿಡಿದ ಉಲ್ಕೆಗಳು ಸಾವಿರ

ನನ್ನವಳ ಕಣ್ಣಲ್ಲಿ ಮಾತ್ರ ನಗುತ್ತಿದ್ದಾನೆ

ಪೋಲಿ ಹುಣ್ಣಿಮೆ ಚಂದಿರ

********
ಏನೂ ಅಲ್ಲದ ಅವನಿಗೆ,

ಏನೂ ಇಲ್ಲದ ಅವಳಿಗೆ

ನಡುವೆ

ಅದೇನೋ ಒಲವಲ್ಲಿ

ತುಂಬಲಿದೆ ಭವಿಷ್ಯದ ಜೋಳಿಗೆ