ಆಗಷ್ಟೇ ಹೂ ಬಿಡುತ್ತಿರುವ
ಮೇಫ್ಲವರಿನ ಮರ
ಕೆಳಗಿನ ಬೆಂಚಲ್ಲಿ
ಕುಳಿತ ನಾನು
ಮರದಲ್ಲಿ ಕುಳಿತ
ಒಂಟಿ ಗಿಣಿಯೂ
ವಿರಹಗೀತೆ ಹಾಡಿದೆವು!
-------------
ನಿನಗಾಗಿ ನಾನು
ಇನ್ನಷ್ಟು ಕಾಯಬಲ್ಲೆ
ಆದರೆ
ನಿನಗಾಗಿ ತಂದು
ಅರ್ಧ ಗಂಟೆಯ ಬಿಸಿಲಿಗೆ
ಒಣಗಿದ ಹೂಗೊಂಚಲುಗಳು
ಬಹುಷಃ ನಿರಾಸೆಗೊಂಡಾವು
--------------
ಕಡಲತಡಿಯ ಮರಳಲ್ಲಿ
ಬರೆದ ನಿನ್ನ ಹೆಸರು
ಮುಂದಿನ ತೆರೆಗೆ
ಕೊಚ್ಚಿ ಹೋಗಬಹುದು
ನನ್ನ ನೆನಪು ನಿನ್ನಲ್ಲಿ ಅಳಿದರೆ
ನಾನೂ ಕೊಚ್ಚಿಕೊಂಡು ಹೋದೇನು!
---------------
ನೀನು ಕೊಟ್ಟ ಕಾಣಿಕೆಗಳು
ಇಂದು ಮನದಲ್ಲಿಲ್ಲ...
ಏನಿದ್ದರೂ ನೀನು
ನನ್ನೆದೆಯಲ್ಲಿ
ಬಿತ್ತಿದ ಕಣ್ಣೀರಿನ
ನೆನಪುಗಳು ಮಾತ್ರ
---------------
ನನ್ನ ಮನದ
ಗೋಡೆಗಳಲ್ಲೆಲ್ಲ
ನಿನ್ನದೇ ಚಿತ್ರಗಳು
ಹೃದಯದ ಡಾರ್ಕ್ ರೂಮಿನಲ್ಲಿ
ಅರಳುತ್ತವೆ ನಗುವಿನ ಅಲೆಗಳು
ಗೋಡೆಗಳಲ್ಲೆಲ್ಲ
ನಿನ್ನದೇ ಚಿತ್ರಗಳು
ಹೃದಯದ ಡಾರ್ಕ್ ರೂಮಿನಲ್ಲಿ
ಅರಳುತ್ತವೆ ನಗುವಿನ ಅಲೆಗಳು
8 comments:
ವಿರಹಿ ವೇಣು!!
ವಿರಹಕ್ಕೆ ಕಾರಣ ಏನು?
ಸಮಾಧಾನವಿರಲಿ, ವೇಣು. ವಿರಹದಿಂದಲೇ ಸಮಾಗಮಕ್ಕೆ ಕಳೆ ಕಟ್ಟುವದು!
ಎನ್ರೀ ಬರೇ ವಿರಹ ವಿರಹಾ>>>>>>>>>>>>>
-ಧರಿತ್ರಿ
ನಿಮಗೂ, ಒಂಟಿಗಿಣಿಗೂ ಶುಭ ಸುದ್ದಿ!
ಬೇಗ ಮಳೆಯಾಗಬಹುದು.
ತಾಪವೆಲ್ಲಾ ನೀಗಲು :)
(ಮತ್ತೆ ಬೆಚ್ಹನೆಯ ಸಾಲು ಬರೆಯಬಹುದು :)
ಲೇಟೂ ಯಾಕೆ? ಬರೆದೇ ಇಲ್ಲ
-ಧರಿತ್ರಿ
ರಾಜೇಶ್,
ಅಂಥಾ ಕಾರಣವೇನಿಲ್ಲ...ಹಾಗೇ ಸುಮ್ಮನೆ :)
ಸುನಾಥರೇ,
ನಿಮ್ಮ ಸಾಂತ್ವನ ಸಮಾಧಾನ ಕೊಟ್ಟಿದೆ..
ಧರಿತ್ರಿ,
ಬ್ಲಾಗ್ನಲ್ಲಿ ಎಲ್ಲಾ ರೀತಿಯ ಭಾವನೆಗಳೂ ಇರಬೇಕೆಂದು ನನ್ನ ಬಯಕೆ, ಏಪ್ರಿಲ್-ಮೇ ತಿಂಗಳ ಧಗೆಗೆ ಇದೇ ಸರಿಯೆನ್ನಿಸಿ ಬರೆದು ಬಿಟ್ಟೆ ;)
ಮಾಂಬಾಡಿ,
ಆಗ್ಲೇ ಮಳೆಯಾಯ್ತಲ್ಲ...
o devare atmasparshi saalugalu ....
prasad.g udupi
ವಿರಹಾ....ನೂರು ನೂರು ತರಹ....
Post a Comment