ಭಾನುವಾರದ ಲಹರಿಯಲ್ಲಿ....

ಸಿಕ್ಕಿದಂತೆಯೇ ಆಗುವ

ಆದರೆ ಮುಷ್ಟಿಯಲ್ಲಿ ನಿಲ್ಲದ 

ನೀರಿನಂತೆ ಹರಿದು ಹೋಗುವ

ಓ ನಲ್ಮೆಯ ಕ್ಷಣವೇ

ನನಗೆ ನೀನು ಒಗಟು

ಎಲ್ಲ ಇದ್ದು ಏನೂ

ಇಲ್ಲದ ಭಾವ ತರುವ

ಭಾರ ಹೃದಯ, ಆರ್ದೃ ಕಂಗಳ

ಕಾಡುವ ಓ ಮನವೇ 

ನಿನಗೆ ನಾನು ಕೃತಜ್ಞ

ನಗರದೆಲ್ಲೆಡೆ ದೀಪಗಳು

ಝಗಮಗಿಸಿದರೂ 

ನನ್ನ ಕಣ್ಣ ಕೋಣೆಯಲ್ಲಿ 

ಇನ್ನೂ ನೆಲೆಸಿರುವ 

ಓ ಕತ್ತಲೆಯೇ 

ನಾನು ನಿನ್ನಿಂದ ಧನ್ಯ

ಇನ್ನಿಲ್ಲದ ಒತ್ತಡದಲ್ಲೂ

ನನ್ನ ಬೆರಳ ತುದಿಗೆ

ಹರಿದು ಬಂದು ಭಾವದಲೆಯಲ್ಲಿ

ನಲಿದಾಡಿಸುವ

ನಾಲ್ಕು ಅಕ್ಷರಗಳೇ

ನಿಮಗೆ ನಾನು ಚಿರಋಣಿ