1.1.23

ಮಸುಕಾದ 2022ರ ಡೈರಿಯಿಂದ....

                           -1-

ನವ ವರುಷ ಬಂತೆಂದರೆ ಒಂದಷ್ಟು ಸಂಭ್ರಮ, 

ಕಳೆದ ವರ್ಷದ ನೋವುಗಳೆಲ್ಲವನ್ನೂ 

ಮನದ ಮೂಲೆಗೆ ತಳ್ಳಿ ದೂ....ರದಲ್ಲಿ 

ಸಿಡಿದು ಮಿನುಗುವ ಬೆಳಕಿನ ಪುಂಜಗಳ 

ಬೆನ್ನಿಡಿದು ಓಡುವ ಉತ್ಸಾಹ...

ಈ ವರ್ಷ ʻಅದನ್ನುʼ ಮಾಡಿಯೇ 

ತೀರಬೇಕೆಂಬ ಹೊಸ ನಿರ್ಧಾರಗಳ ಭೋರ್ಗರೆತ

ಹೊಸ ಡೈರಿಯಲ್ಲಿ 

ದಿನದಿನವೂ ಬದುಕಿನ 

ಹೆಜ್ಜೆಗುರುತುಗಳ ಗೀಚಿ 

ಕಾಪಿಡುವ ಹುಮ್ಮಸ್ಸು








              -2-

ಹೊಸವರ್ಷ ಸ್ವಾಗತಕ್ಕೆ 

ಶೀಷಾವಿನೋದದಲ್ಲಿ ಮುಳುಗೆದ್ದು 

ಮರುದಿನ ಸೂರ್ಯಮುಳುಗುವರೆಗೆ 

ಕಣ್ಬಿಡಲಾರದೆ ಒದ್ದಾಟ 

ಹಳೆಯ ಕನಸುಗಳು, 

ದುಃಖ ದುಮ್ಮಾನಗಳ 

ಹ್ಯಾಂಗೋವರ್‌, ವಾಂತಿ.

ಹೊಸ ಕ್ಯಾಲೆಂಡರಿನ ಪುಟಗಳು 

ಮ.ಗು.ಚು.ತ್ತಾ 

ಹೋದಂತೆಯೇ 2023ರ 

ಅಕ್ಷರಗಳು ಮಸುಕು

ಖಾಲಿ ಉಳಿದ ಡೈರಿಯ ಪುಟ

ಭಾರವಾಗಿ ಉಳಿದ ಮನ

ಮತ್ತೆ ವರ್ಷಾಂತ್ಯಕ್ಕೆ ಗಮನ


-ವೇಣುವಿನೋದ್

01-01-2023


3 comments:

Anonymous said...

ಹಳೆಯದಾದರೂ ಹೊಸತನ‌ ಚಿಮಿಸುತ್ತವೆ ಜೀವನದ ಹಾಳೆಗಳು

Anonymous said...

ಕವನ ಸಕಾಲಿಕ ಹಾಗೂ ಅರ್ಥ ಪೂರ್ಣವಾಗಿದೆ.

sunaath said...

ಉತ್ತಮ ಕವನ.

Related Posts Plugin for WordPress, Blogger...