Showing posts with label ಹನಿ. Show all posts
Showing posts with label ಹನಿ. Show all posts

6.7.08

ಗೆಲ್ಲು ಚಿಗುರು ಹಾಗೂ ಹನಿ


ಗಾಳಿಮಳೆಗೆ
ಹಳೆಗೆಲ್ಲು
ಮುರಿದು
ಬೀಳುವಾಗ
ಮರ
ಕಣ್ಣೀರಿಳಿಸಿತು
ಮರದ ತೆಕ್ಕೆಯಲ್ಲಿ
ಮೂಡಿದ
ಹೊಸ ಚಿಗುರು
ಮರದ ಕಣ್ಣೀರೊರೆಸಿತು!

***********

ತಲೆಮೇಲೆ
ಗಿರಗಿರ ಸುತ್ತುವ
ಸೀಲಿಂಗ್ ಫ್ಯಾನು
ಮನೆಹಿಂದಿನ
ಹಳಿಯಲ್ಲಿ
ಶಬ್ದವೇದಿ ರೈಲು
ಹೈವೇಯಲ್ಲಿ
ಹರಿಹಾಯುವ
ಸೂಪರ್‍ ಫಾಸ್ಟ್
ಕಾರು

ಆ ದ ರೆ

ಹೃದಯಲ್ಲಿ
ಮಾತ್ರ
ನಿನ್ನ ಚಿತ್ರಗಳ
ಸ್ಲೋಮೋಶನ್
ಮೆರವಣಿಗೆ

********

ಗಾಯಕ ಈಗ
ಹಾಡಿದ್ದು ಹಾಡನ್ನಲ್ಲ
ಪ್ರೇಕ್ಷಕರಲ್ಲಿ ಹಲವರ
ಶೋಕವನ್ನು

29.5.08

ಉದುರಿದ ಎಲೆಗಳು




ಮರದ ತೆಕ್ಕೆಯಿಂದ
ಕಳಚಿಕೊಂಡು ಬಿದ್ದ
ಹಣ್ಣೆಲೆಗೆ
ನದಿ ಪ್ರವಾಹದಲ್ಲಿ
ಸಿಲುಕಿಕೊಳ್ಳುವ ಆತುರ

********



ಅರ್ಧ ರಾತ್ರಿ ಮೊಂಬತ್ತಿಗಳು
ಉರಿಯುತ್ತಲೇ ಇವೆ
ಪಾಠ ಪ್ರವಚನ ಸರಿಯಾಗಿಯೇ ನಡೆಯುತ್ತವೆ
ಹೆಣ ಉರುಳೋದು ನಿಂತಿಲ್ಲ



********



ಹಗಲಲ್ಲಿ
ರಂಗು ಮಾರುವ
ಬಾಲೆಯ ಕೈತುಂಬಾ
ಬಣ್ಣಗಳ ಓಕುಳಿ
ರಾತ್ರಿ ಬರೀ
ಕಡುಕಪ್ಪು ಕನಸು



********


ಮಹಾನ್
ಪರ್ವತದ ತುದಿಯಿಂದ
ಉರುಳುರುಳಿ
ಪ್ರತ್ಯೇಕ ಅಸ್ತಿತ್ವ
ಸ್ಥಾಪಿಸಿದ
ಬಂಡೆಗಲ್ಲನ್ನು ಕೇಳುವವರೇ ಇಲ್ಲ!
Related Posts Plugin for WordPress, Blogger...