ರಾತ್ರಿ ಪೂರ್ತಿ
ಪ್ರೀತಿ ಮಾಡಿದ
ನಕ್ಷತ್ರ ಹಾಗೂ
ಹುಲ್ಲುಕಡ್ಡಿ
ಪ್ರೇಮದ ಕುರುಹಾಗಿ
ಮಂಜಿನಹನಿಯನ್ನೂ
ಬಿಡದೆ
ಹಗಲಿನಲ್ಲಿ
ಮರೆಯಾಗಿ ಹೋದವು
**************
ಬೇಲಿಯ ಹೂ
ಸುಂದರವಾಗಿ
ಅರಳಿತ್ತು...
ಚೆಂಗುಲಾಬಿ ಮುಡಿದ
ಹುಡುಗಿ
ನೋಡಿದರೂ ನೋಡದಂತೆ
ಮುಖ ತಿರುವಿ
ಹೋದಳು
ಬೇಲಿ ಹೂ
ರಪ್ಪನೆ ರೆಪ್ಪೆ
ಮುಚ್ಚಿ ಅಳತೊಡಗಿತು
14 comments:
ಚೆನ್ನಾಗಿದೆ ರೀ, ಹೈಕು ಥರಾ ಅನ್ನಿಸ್ತು...ಬರೀತಿರಿ
ನಕ್ಷತ್ರ-ಹುಲ್ಲುಕಡ್ಡಿ ಪ್ರೇಮ; ಚೆನ್ನಾದ ಕಲ್ಪನೆ.
ನೀವು ಯಾಕೋ ಚುಟುಕು ಕವಿಯಾಗೋ ಅಪಾಯ ಕಾಣಿಸ್ತಾ ಇದೆ. good.
ಕವಿ ಗೆಳೆಯನಾಗೋದಕ್ಕಿಂತ ಗೆಳೆಯ ಕವಿಯಾಗೋದ್ರಲ್ಲಿ ಹೆಚ್ಚು ಸಂತೋಷ ಇದೆ.
ವೇಣು ವಿನೋದ್ ಅವರೆ,
ಎಲ್ಲ ಸಾಲುಗಳೂ ಚುಟುಕಾಗಿ ಅರ್ಥವನ್ನು ಮಾತ್ರ ಎತ್ತರಕ್ಕೆ ಬೆಳೆಸಿಕೊಂಡಂತಿವೆ. ಹೀಗೆ ಇನ್ನೂ ಒಂದಿಷ್ಟು ಬರಲಿ ನಮ್ಮಂಥ ಓದುಗರಿಗಾಗಿ. ಚೆನ್ನಾಗಿ ಬರೆದಿದ್ದೀರಿ.
ಶ್ರೀ,
ನನ್ನ ಬ್ಲಾಗ್‌ಗೆ ಸ್ವಾಗತ. ಹೈಕು ಥರ ಅನ್ನಿಸಿದೆ ಎಂದದ್ದು ಖುಷಿ ಕೊಡ್ತು :)
ರಾಜೇಶ್, ಥ್ಯಾಂಕ್ಸ್
ವಿನಾಯಕ,
ಹಹ್ಹ, ಅಪಾಯಾನ? ಕವಿ, ಗಿವಿ ಅಂದ್ರೆ ಭಯವಾಗುತ್ತೆ ಮಾರಾಯ :)
ಶಾಂತಲಾ,
ನಿಮ್ಮೆಲ್ಲರ ಹಾರೈಕೆಗೆ ಫಲಕೊಡಲಿ ಎಂದು ನಾನೂ ಬಯಸುವೆ
ಹನಿಗವನಗಳು ಖುಷಿ ಕೊಡುತ್ತಲೇ ಯೋಚನೆಗೂ ಹಚ್ಚುತ್ತವೆ. ಒಳ್ಳೆಯ ಪ್ರಯತ್ನಗಳು. ಹೀಗೇ ಬರೆಯುತ್ತಿರಿ. ಓದಲು ನಾವಂತೂ ಇದ್ದೇವೆ.
Hi beautiful verses... Gives one more reason to fall in love with Kannada all over again.
Sorry, don't know how to post this in Kannada yet.
ಚೆನ್ನಾಗಿ ಬರೀತಿರಿ ವೇಣುಜಿ.
:-)ಚಂದ ಇದ್ದು. ಇಷ್ಟ ಅಯ್ತು.
ಮಲ್ನಾಡ್ ಹುಡ್ಗಿ
ಸುಪ್ತದೀಪ್ತಿ, ಪ್ರಾಂಜಲೆ ಹಾಗೂ ಮಲ್ನಾಡ್ ಬಾಲಕಿಯವರಿಗೆ ಪ್ರಣಾಮ. ನಿಮ್ಮ ಪ್ರೋತ್ಸಾಹಕ್ಕೆ ವಂದನೆ. ಬರ್‍ತಾ ಇರಿ
ಬೇಲಿಯ ಹೂವಿನ ನೋವು ಮನಕಲಕಿತು.. ತುಂಬಾ ಚೆನ್ನಾಗಿದೆ. ಅರ್ಥವತ್ತಾದ ಚುಟುಕಿಗೆ ಸರಿಯಾದ ಚಿತ್ರ. ನೀವೇ Photo shopping ಮಾಡಿದ್ದಾ?
ತೇಜಸ್ವಿನಿಯವರೇ ನನ್ನ ಬ್ಲಾಗಂಳಕ್ಕೆ ಸ್ವಾಗತ, ಮೆಚ್ಚುಗೆಯ ಪ್ರೋತ್ಸಾಹಕ್ಕೆ ನನ್ನಿ. ಹೌದು ನನ್ನದೇ ಫೋಟೋಶಾಪಿಂಗ್ :)
Then Nice Photo Shopping :)
Post a Comment