10.9.07

ಒಂದು ಬೀದಿ ಕಥೆ


ಮೊನ್ನೆ ಬಿದ್ದ ಮಳೆಗೆ
ಕೊಚ್ಚೆರಾಡಿಯಾಗಿದ್ದ
ಬೀದಿಯಲ್ಲಿ ಈಗ ಬಿಸಿಲಹಬ್ಬ
ನೆರೆಯ ನೆರಳ
ಮರಗಳಿಂದ ಬಿದ್ದ
ಕಂದು ಹಳದಿ ಎಲೆಯ ದಿಬ್ಬ


ಹಾಸಿಗೆಗಂಟಿಸುವ
ಮಳೆಯಿಲ್ಲ ಹಾಗಾಗಿ
ಬೀದಿಗೊಂಥರಾ ಸಂಭ್ರಮ
ಮುಂಜಾನೆಯ ಪೇಪರ್‍
ಹುಡುಗನ ಸೈಕಲ್ಲು
ಹಾಲಿನವನ ಮೋಪೆಡ್ಡು
ಶಾಲೆ ಹುಡುಗರ
ಉತ್ಸಾಹವೇ ತೋರಣ


ಮೀನ ಬುಟ್ಟಿಯಿಂದ
ಸೋರಿದ ಮತ್ಸ್ಯಗಂಧ
ಬಿರಿದ ಸಂಪಿಗೆಯ ಮಕರಂದ
ಪಯಣಿಗರಿಗೆ ಈಗ
ಬೀದಿ ಪರಮಾಪ್ತ

ರಾತ್ರಿ ಮತ್ತೆ ಬೀದಿಗೆ ಜ್ವರ
ರಸ್ತೆಯಗಲ ಮಾಡುವಾಗ
ಕಳೆದುಹೋದ ಆಲದಮರ,
ಕಟ್ಟೆಯಲ್ಲಿ ಮಲಗೆದ್ದು
ಓಡುವಾಗ ಬಸ್ಸಡಿಗೆ ಸಿಕ್ಕ
ನಾಯಿಮರಿ
ಇಲ್ಲದೆ ಬಿಕ್ಕುತ್ತಿದೆ ಬೀದಿ
ಬಿದಿಗೆ ಚಂದಿರನ
ಮಂಕುಬೆಳಕಲ್ಲಿ ಅಂತ್ಯವಿಲ್ಲದೆ
ಬಿದ್ದುಕೊಂಡಿದೆ ಹಾದಿ

3 comments:

ಮನಸ್ವಿನಿ said...

ಚಂದದ ಹಾಡು. ಖುಶಿಯಾಯ್ತು ಓದಿ :)

ಮನಸ್ವಿನಿ said...
This comment has been removed by the author.
ಶ್ರೀನಿವಾಸ ಕುಲಕರ್ಣಿ ತುರ್ವಿಹಾಳ್ said...

http://kavimanasu.blogspot.com/


ಚೆನ್ನಾಗಿದೆ.

ನನ್ನ ಬ್ಲಾಗ್ ಡಿಯರ್ ಫ್ರೆಂಡ್,

http://kavimanasu.blogspot.com/

Related Posts Plugin for WordPress, Blogger...